Şirvanda dələduzluq edərək vətəndaşlardan xeyli miqdarda pul mənimsəyən şəxs saxlanılıb. Bu barədə İnsanoid-ə 15 avqust tarixində Daxili İşlər Nazirliyindən bildirilib.
Bakı şəhər sakini Vüsal Əliyev saxlanılaraq istintaqa təqdim olunub.
Məlum olub ki, o, özünü turizm şirkətlərinin birinin nümayəndəsi kimi təqdim edərək iki nəfərə qarşı dələduzluq edib.
Zərərçəkmişlərə Türkiyə Respublikasına turla təmin edəcəyi barədə vədlər verən V.Əliyev onlardan ümumilikdə 9690 manat pul alıb.
Faktla bağlı cinayət işi açılıb, V.Əliyev barəsində şəhər məhkəməsinin qərarı ilə həbs qətimkan tədbiri seçilib.
“Əgər V.Əliyevin əməllərindən zərərçəkən başqa vətəndaşlar varsa, bu barədə Daxili İşlər Nazirliyinin “102” Zəng Mərkəzinə, həmçinin Şirvan ŞPŞ-yə məlumat vermələri xahiş olunur,”- məlumatda qeyd olunur.
