Daxili işlər naziri general-polkovnik Vilayət Eyvazov fevralın 22-də Saatlı Rayon Polis Şöbəsinin inzibati binasında Sabirabad, Beyləqan, İmişli, Saatlı, Füzuli və Xocavənd şəhər və rayonlarının sakinlərini qəbul edəcək. Bu barədə 1 fevral tarixində Daxili İşlər Nazirliyindən İnsnaoid-ə məlumat verilib.
Daxili İşlər Nazirliyinin səlahiyyətlərinə aid məsələlərlə bağlı qəbula yazılmaq istəyən vətəndaşlar fevralın 21-dək yaşadıqları ərazinin polis orqanına, habelə DİN-in mia.gov.az internet saytı vasitəsilə və sosial şəbəkələrdəki səhifələrinə müraciət edə bilərlər.
Qəbula gələnlərdən şəxsiyyət vəsiqəsi tələb olunur.
