Xankəndi şəhəri seçkiyə tam hazırdır. İnsanoid bu barədə 5 fevral tarixində Oxu.az-a istinadən xəbər verir.
122 saylı Xankəndi seçki dairəsinin Xankəndi şəhərində yaradılmış 14 saylı seçki məntəqəsi zəruri texniki vasitə və metodiki vəsaitlərlə təmin olunub, seçici siyahıları və məlumat lövhələri asılıb.
Seçicilərin öz mövqelərini sərbəst şəkildə bildirmələri üçün kabinələr qoyulub. Məntəqələrdə katib və üzvlər, habelə seçkini izləyəcək müşahidəçilər üçün yerlər müəyyənləşdirilib. Seçicilərə səsvermənin keçirilmə tarixi, vaxtı və yeri barədə bildirişlərin paylanması işi yekunlaşıb. Seçki məntəqəsinə bülletenlər gətirilib.
Xatırladaq ki, fevralın 7-də növbədənkənar prezident seçkiləri keçiriləcək.
