Yeni Azərbaycan Partiyasının növbədənkənar prezident seçkilərinə namizədi İlham Əliyevin səlahiyyətli nümayəndələri müəyyənləşiblər. Bu barədə 15 dekabr tarixində APA məlumat verib.
Bu barədə qərar YAP İdarə Heyətinin bu gün keçirilən genişləndirilmiş iclasında qəbul edilib.
YAP sədrinin müavini – Mərkəzi Aparatın rəhbəri Tahir Budaqov və YAP sədrinin müavini Əli Əhmədov prezidentliyə namizədin səlahiyyətli nümayəndələri təyin ediliblər.
Mərkəzi Aparatın rəhbərinin müavini Əhliman Tağıyev isə növbədənkənar prezident seçkilərində maliyyə məsələləri üzrə səlahiyyətli nümayəndə təyin olunub.
