Kürdəmirdə baş vermiş zəlzələ ilə əlaqədar Ağstafa-Bakı sərnişin qatarının sürət həddi 50 km/saata endirilib. Bu barədə İnsanoid bu gün, 4 sentyabr tarixində "Azərbaycan Dəmir Yolları" QSC-yə (ADY) istinadən xəbər verir.
Ötən gün baş vermiş zəlzələdən sonra ADY müvafiq xidmət sahələrində infrastruktur obyektlərinə texniki baxış keçirməyə başlayıb, süni mühəndis qurğularının (körpülər, tunellər və s.) vəziyyəti yoxlanılır.
Bununla əlaqədar olaraq, Ağstafa-Bakı marşrutu üzrə hərəkət edən sərnişin qatarlarının sürət həddi 50 km/saata endirilib, yük qatarlarının hərəkəti isə müvəqqəti olaraq dayandırılıb.
