Zaqatala Dövlət İdarəetmə və Texnologiya Kollecində yanğın olub. Bu barədə İnsanoid bu gün, 5 avqust tarixində APA-ya istinadən xəbər verir.
Hadisə saat 22:47-də Zaqatala şəhərinin N. Gəncəvi küçəsində, orta-ixtisas Zaqatala Dövlət İdarəetmə və Texnologiya Kollecində qeydə alınıb.
Kollecin ərazisində ümumi sahəsi 500 m² olan birmərtəbəli binanın (250 m² sahədə idman zalı və 250 m² sahədə mətbəx) dam örtüyünün yanar konstruksiyaları 450 m² sahədə, idman zalının yanar konstruksiyaları 100 m² sahədə və içərisində olan avadanlıqlar qismən yanıb.
Binanın qalan hissəsi yanğından mühafizə olunub. Yanğın gecə saat 00:16-da yanğından mühafizə bölmələri tərəfindən tam söndürülüb.
Xəsarət alan olmayıb.
Faktla bağlı araşdırma aparılır.
[gallery link="file" size="full" ids="124508,124507,124509"]
