IWS-in (Beynəlxalq Akvarel Cəmiyyəti) 10 illik yubileyinə həsr olunmuş "Akvarel Təəssüratları" adlı sərgisi keçiriləcəkdir. Bu haqda dekabrın 11-də "IWS Azerbaijan" məlumat verib.
Sərgidə iştirak etmək istəyən rəssamlar sulu boya texnikasında işlənmiş əsərinin keyfiyyətli fotosunu və özü haqda məlumatı [email protected] poçt ünvanına göndərməlidir.
Mövzu sərbəstdir və işin 90%-i akvarel boya kağız üzərində olmalıdır.
Son müraciət tarixi 30 dekabr 2021-ci ildir.
Sərgi iştirakçılarına hədiyyələr və sertifikatlar təqdim ediləcək.
Sərgi Azərbaycan Respublikası Milli Məclisinin, Mədəniyyət Nazirliyinin, Rəssamlar İttifaqının və Beynəlxalq Akvarel Cəmiyyətinin Azərbaycan nümayəndəliyi təşkilatçılığı ilə 2022-ci ilin 23 yanvar tarixində keçiriləcək.
