Araşdırma: Bakıda xidmət göstərən uşaq salonları və qiymətləri

Valideynlərin seçimini asanlaşdırmaq üçün İnsanoid bu dəfə paytaxtımızın 7 uşaq salonunun xidmət və qiymətlərini araşdırıb sizlərə təqdim edir.

“Barbarisso” uşaq salonunda saç kəsimi, yuma, fenləmə uşaqlar üçün 20-25 AZN-dir. Saç düzümü isə valideynlərə 30-35 AZN-ə başa gələcək. Qulaq deşmə xidməti 30 AZN-dir. Qız uşaqları üçün manikür xidməti 10 AZN, “Face art” isə 5 AZN, ayrıca saç düzləşməsi 20 AZN olacaq. Məkan bir neçə hissədən ibarətdir: saç düzümü otağı, kafe və maskarad otağı. Salonun filialları Bakı, Neftçilər prospekti 145 ünvanında, Dəniz Mall, Amburan Mall və Gəncə şəhərində yerləşir. Amburan filialı yalnız yay aylarında işləyir.

 

View this post on Instagram

 

A post shared by Premium Class Kids Salon Baku (@barbarisso)

“Cocobee Baku” salonunda qızlar və oğlanlar üçün saçın kəsilib, yuyulub, fenlə forma verilməsi 12 AZN-ə həyata keçirilir. Bu qiymətə saçda naxış qoyulması da daxildir. Salondan verilən məlumata görə, burada uşaqlar üçün manikür xidməti də göstərilir və qiyməti 5 AZN-dir. Qızlar üçün saç düzümləri 10 AZN-dən başlayır. Qulaq deşmə xidməti isə 20 AZN-ə başa gələcək. Salon Abbas Mirzə Şərifzadə küçəsi 71 ünvanında fəaliyyət göstərir.

 

View this post on Instagram

 

A post shared by Usaq gözəllik salonu???✂ (@cocobee_baku)

“Davam” kids studioda oğlan saç kəsimi, yuyulması və formaya salınması 10 AZN-dir. Qızlar üçün kəsim 12 AZN-dir. Saç düzümü də 12 AZN-dən başlayır. Sadə manikür qiyməti 6 AZN-dir. Qulaq deşmə xidməti salonun öz aparatı ilə aparılarsa, 15 AZN, birdəfəlik istifadə üçün nəzərdə tutulan aparatla isə 25 AZN olacaq. Rəngli saçlarla hörüklər 12 AZN-dir. Unvan: Bakı, Nərimanov metrosunun yanı.

 

View this post on Instagram

 

A post shared by Uşaq salonu "DAVAM" - VİP (@davam_kids_studio)

“Rio” uşaq salonunda uşaqlar üçün yalnız saç kəsimi xidməti göstərilir. Oğlan və qız uşaqları üçün saçın kəsilməsi, yuyulması və formaya salınması 10 AZN-dir. Ayrıca qız uşaqları üçün saçın yığılması 10-15 AZN arası dəyişir. Məkan 8 mkr-da, Zirvə şadlıq sarayı ilə üzbəüz yerləşir.

 

View this post on Instagram

 

A post shared by RIO Baby Uşaq salonu (@rio.usaq.salonu)

“AliStudio”da oğlanlar üçün saçın kəsilib, yuyulub, fenlə forma verilməsi 10 AZN-dir. Qızlar üçün isə kəsim qiyməti 6-10 AZN arası dəyişir. Qulaq deşmə 20 AZN-dir. Sadə manikür isə cəmi 2 AZN olacaq. Qızlar üçün saç düzümü 6-30 AZN arası dəyişir. Salona 1-2 gün qabaq yazılmaq məsləhətdir. Salon Xətai, Bakıxanov və Mərdəkanda fəaliyyət göstərir.

[gallery columns="1" size="large" link="file" ids="43842" orderby="rand"]

“Kinderstyle by Muhammed” övladlarınızın saçlarının kəsilib, yuyulub, fenlə forma verilməsi və ya saçda naxışların qoyulması – hamısı birlikdə 15 AZN-ə həyata keçirilir. Qız uşaqlarının saçlarının müxtəlif formalarda hörülməsi və düzümü 15 AZN-dir. Qulaq deşmə isə 20 AZN-ə başa gələcək. Salon Dilarə Əliyeva 215 ünvanında yerləşir.

 

View this post on Instagram

 

A post shared by MuhammedStudio (kinderstyle) (@muhammedstudio)

“Kids Barber Shop”da yalnız oğlan uşaqları qəbul edilir. Burada saçın kəsilib, yuyulub, forma verilməsi və saçda naxışın qoyulması 15 AZN-ə başa gəlir. Unvan: Sahil metrosunun yanı, Üzeyir Hacıbəyov 56.

 

View this post on Instagram

 

A post shared by Kids barber shop✂️Usaq Bərbəri (@cavanshir_rs)

Beləliklə Bakı şəhərində uşaqların saç kəsimi valideynlərə 10-25 AZN-ə başa gələcək. Qız uşaqların saç düzümü isə 6-35 AZN aralığında olacaq.