“CinemaPlus” kinoteatrlar şəbəkəsində “Dəmir qadın: Neslican” türk bioqrafik dram filminın nümayişinə başlanılıb. Bu barədə İnsanoid bu gün, 13 fevral tarixində xəbər verir.
Rejissoru Özgür Bakar, ssenari müəllifi isə Nalan Merter Savaş olan filmdə baş rollarda Naz Çağla Irmak, Deniz Uğur, Məsut Akusta çəkiliblər.
Ekran əsəri real hadisələr əsasında çəkilib və 2019-cu ildə xərçəng xəstəliyindən dünyasını dəyişən “Dəmir qadın” kimi tanınan Neslican Tayın həyatından, xərçəng diaqnozu qoyulandan sonra keçdiyi müalicə prosesi və bu müddət ərzində onun həyat mübarizəsindən bəhs edilir.
“İstanbul” Ticarət Mərkəzində Neslicanın valideynləri, qardaşı və bacısının iştirakı ilə filmin qala gecəsi baş tutub.
