“Azərbaycan süfrəsi yeməklərin və inqrediyentlərin rəngarəng birləşməsidir”. Bu barədə iyunun 8-də "National Geographic"in Azərbaycan mətbəxinə həsr edilmiş məqaləsində deyilir.
Məqalədə Azərbaycan bölgələrinin mətbəxinə aid 7 əsas təamdan bəhs edilir. Qeyd edilib ki, ölkənin doqquz iqlim zonası insanlara təzə məhsullar, o cümlədən şaftalı, nar, alma, əncir, zəfəran və şirin bibər bəxş edir.
Bakını təmsil edən yemək düşbərədir: “Aşpazlara düşbərənin ölçüsünə görə qiymət verilir: qaydaya görə, xörək qaşığına 12 kiçik düşbərə sığmalıdır”.
[gallery columns="1" link="file" size="full" ids="52337"]
Lənkərana aid olan yemək ləvəngi, Şəkiyə aid olan yemək isə piti seçilib: “Pitinin adı isə onun hazırlandığı və süfrəyə verildiyi saxsı qabdan götürülüb”.
[gallery columns="1" size="full" link="file" ids="52334"]
Müəllifin yazdığına görə, Naxçıvanın “qovurma” adlı yeməyi belə hazırlanır: dana və ya quzu əti 24 saat ərzində qurudulur, yağda qızardılır, daha sonra keramika qablarına yerləşdirilib kərə yağı ilə örtülür.
Gəncə şah plovla, Qax isə “sürhüllü” adlı yeməklə tanınır. Sürhüllü əl ilə hazırlanan un məmulatıdır. Evsayağı makaron bulyonda qaynadılır, ət və sousla süfrəyə verilir.
Siyahıda Qarabağ kətəsi də yer alıb: “Kətə çox miqdarda yağ və şəkər əlavə etməklə şirin xəmirdən hazırlanır”.
