18-19 dekabr tarixlərində saat 19:00-da Akademik Milli Dram Teatrında “Nizami Gəncəvi ili” çərçivəsində hazırlanmış “İSGƏNDƏRə yeni NAMƏ” tamaşasının premyerası olacaq. Bu haqda dekabrın 16-da Mədəniyyət Nazirliyi məlumat verib.
Layihənin əsas məqsədi Nizami ruhu və fəlsəfəsini müasir sənət düşüncəsi müstəvisində aktuallaşdırmaqdır.
“İSGƏNDƏRə yeni NAMƏ” poemasında hadisələr xətti alternativ istiqamətdə davam etdiriləcək.
Poemadan fərqli olaraq, tamaşada Makedoniyalı İsgəndər dirilik suyunu tapıb içir. Tamaşanın əsas hadisələr xətti İsgəndərin əbədi həyat qazanmasından sonra baş verən faciələr, xəyanətlər, sui-qəsdlər, qanlı olaylar üzərində qurulub.
