Onların əsas silahı səs və sözləridir: ölkənin radio aparıcıları

Hər gün tıxacda dinlədiyimiz radio aparıcıları kimlərdir? İnsanoid ölkənin tanınmış radio aparıcılarını təqdim edir:

Emil Nəsirov, Kamran Həsənov və Səbinə Əliyeva Media FM-də (105.5) “Təptəzə” şousunun aparıcılarıdır. Şou hər gün saat 08:00-dan 10:00-a kimi yayımlanır. Bundan əlavə, Emil Nəsirov iş yerindən TikTok-da videolar paylaşır və abunəçilərinin sifariş etdiyi mahnıları efirə çıxarır.

@emilnasiroff Yazın səsləndirək! #aztiktok #tiktok #tiktokaz #tiktokazerbaycan #tiktokazərbaycan #tiktokazerbaijan #azeritiktok #keşfet #radio #radiopresenter ♬ оригинальный звук - Emil Nasiroff

“3-ü 1-də” şousu hər səhər saat 07:30-da Aygün Akif, Elgün Hüseynov və Qumru Safiyevanın təqdimatında TMB100.5 FM-də yayımlanır. Aparıcılar müxtəlif yarışlar keçirərək dinləyiciləri əyləndirir və onlara qazanmaq imkanı verirlər.

 

View this post on Instagram

 

A post shared by RadioTMB100.5 FM (@radiotmb100.5)

“Çiçək” ləqəbi ilə məşhurlaşan Şəhla Vakkas da həmin radioda 18:00-dan 20:00-a kimi “Radiomaniya” verilişinə aparıcılıq edir. Studiyaya zəng edən dinləyicilər danışarkən “hə/yox”, “bəli/xeyr” sözlərindən qaçmaqla qələbə qazana bilərlər.

Rəvan Bağırov və Dj Fateh kimi tanınan Məmmədəli Məmmədov İctimai Radio-da (90 FM) “Manpası” radioverilişini aparırlar. Şounu səhər 08:00-dan 10:00-a kimi dinləmək olar.

 

View this post on Instagram

 

A post shared by MANPASI Səhər Şousu (@manpasi)

Tural Yusifov (Dj Tural) “AvtoStop” verilişini İctimai Radio-da təqdim edir. Yol hərəkəti təhlükəsizliyinə həsr olunmuş proqram hər iş günü axşam saat 17:00-dan 20:00-dək yayımlanır. Bundan savayı, o, bloger fəaliyyəti ilə məşğuldur. Youtube kanalında yol hərəkəti təhlükəsizliyi ilə bağlı insanları maarifləndirir. Fəaliyyəti nəticəsində avto və texno sərgilərə dəvət alır və həmin tədbirləri işıqlandırır.

 

View this post on Instagram

 

A post shared by Tural Yusifov (@dj.tural)

106.3 FM-də yayımlanan “İş adamı” proqramının aparıcıları Raqif Raufoğlu və Emin Quliyevdir. Sözügedən proqram xəbər buraxılışlarından, müxtəlif rubrikalar və müsabiqələrdən ibarətdir. Efir həftənin 5 günü saat 08:00-dan 10:00-a kimi davam edir. Emin Quliyev, həmçinin “İnvestor” verilişində birja, valyuta məzənnəsi, kriptovalyuta və digər mövzularla çıxış edir.

Ceyhun Həsənli və Aysel Şahin Araz FM-də (103.3) həftəiçi saat 08:00-dan 10:00-a kimi “Səhər adamları” şousunda aparıcılıq edirlər. Saat 10:00-dan 12:00-dək Gülnar Şəmidzadə və həyat yoldaşı Ağakərim Əbülfəzoğlunun təqdimatında “Dadlı Şou” yayımlanır. Saat 17:00-dan 20:00-dək Elgün Xıdırov və hüquqşunas Ərşad Hüseynov “Düzgün hərəkət” verilişində yol hərəkəti ilə bağlı məsələləri müzakirə edirlər.

 

View this post on Instagram

 

A post shared by Düzgün Hərəkət (@duzgunhereket)

Bəs siz ən çox hansı proqramı dinləyirsiniz?