Azərbaycan Respublikası Media İnkişaf Agentliyi qəzetlər üçün müsabiqə elan edilib. Bu haqda dekabrın 25-də MEDİA məlumat verib.
Müsabiqədə iştirak üçün şərtlər:
- birdəfəlik tirajı 1500 nüsxədən və yayımı 1000 nüsxədən az olmamalıdır;
- redaksiyasının yaradıcı heyəti ən azı beş nəfərdən ibarət olmalıdır;
- Qəzetin müsabiqə elan olunan günədək ümumilikdə 6 nömrəsi müsabiqəyə təqdim edilməlidir;
Maliyyə dəstəyi:
- Həftədə bir nömrəsi maliyyələşdirilən qəzetlərin hər birinə aylıq 5000 manat, həftədə beş nömrəsi maliyyələşdirilən qəzetlərin hər birinə isə aylıq 15000 min manat məbləğində maliyyə yardımı göstəriləcək;
- Müsabiqədə qalib elan olunan hər bir qəzet redaksiyasının eyniadlı veb-saytına aylıq 3000 manat məbləğində maliyyə yardımı göstəriləcək.
- Maliyyə yardımı göstərilən ay üzrə qəzetin yalnız fiziki şəxslərdən ibarət hər əlavə 500 abunəsi üçün aylıq 200 manat, hər əlavə 1000 abunəsi üçün isə aylıq 400 manat məbləğində bonusun verilməsi nəzərdə tutulur;
Müsabiqə qaliblərinə maliyyə yardımının göstərilməsi 2022-ci il yanvar ayının 1-dən etibarən 6 aylıq dövrü əhatə edəcək.
Müraciətlərin qəbulu 07 yanvar 2022-ci il saat 18:00-dək həyata keçirilir.
Əlaqə nömrələri: (051)206-42-27, (055)749-47-04.
