Gimnastika ilə məşğul olmaq istəyənlər GYMKIDS SPORTS CLUB-a yazıla bilərlər. Buraya uşaqlar 3 yaşdan 12 yaşadək qəbul edilir. Məşqlər şəhərin altı yerində keçirilir: Gənclik, Xətai, Qara Qarayev, Həzi Aslanov, İçərişəhər, Masazır. Peşəkar məşqlər üçün ödəniş 120 manatdır. Dərslər həftədə 3 dəfə 2 saat keçirilir. Həvəskarlar üçün həftədə 3 dəfə - 70, 2 dəfə isə 60 manatdır.
Rəqs öyrənmək üçün Bakı Rəqs Akademiyasında məşqlər keçirilir. Kurs Nərimanov metrosu ərazisində yerləşən Coffeemania-nın yaxınlığında yerləşir. Dərslər həftədə 2 dəfə 1 saat keçirilir. Qəbul 5 yaşdandır və aylıq 25 manat təşkil edir.
Ağ şəhər və Bakıxanovda yerləşən Kaspi Tədris Mərkəzində 5,7 illik musiqi məktəbi 150 manatdır. Qəbul 5 yaşından mümkündür. Mərkəzin şagirdləri üçün isə ödəniş 120 manatdır. Dərslər həftədə 2 dəfə 1 saat keçirilir. Bundan başqa, mərkəz musiqi kursu da təşkil edir. Qiyməti isə 100 manatdır.
28 Mall-un yaxınlığındakı Gitara Baku gitara dərsləri keçir. Dərslər qrup şəklində həftədə 2 dəfə 40, fərdi isə 100 manatdır. Dərs saatı isə 1 saat təşkil edir.
Sahildə yerləşən Multicenter-də əksər dərnəklər ödənişsizdir. Qəbul, əsasən, yayın axırlarından başlayır. Burada dərnəklərdən şahmat, rəqs, robototexnika var. Dərslər həftədə 2 dəfə 1 saat 30 dəqiqə keçirilir. Qəbul isə 6 yaşından başlayır.
Rəsmi sevənlər üçün Feniks rəssamlıq həftədə 2 dəfə dərslər keçir. Kurs Axundov bağının yaxınlığında yerləşir. Qəbul 4 yaşından başlayır və 60 manat təşkil edir.
Günəşlidə yerləşən Elfim şahmat məktəbində dərslər 4 yaşdan yuxarı uşaqlara keçirilir. Kurs həftədə 2 dəfədir və aylıq qiyməti 40 manatdır. Hər dərs 1 saat 30 dəqiqə çəkir.
Üzgüçülük üçün Aqua Sport-a üz tuta bilərsiniz. Buraya uşaqlar 6 yaşından qəbul edilir. Həftədə 2 dərs üçün ödəniş 65, həftədə 3 dəfə isə 80 manatdır. Əlavə məşqçi üçün hər dərs 6 manat ödənilir. Su idman sarayında isə dərslər həftədə 3 dəfə keçirilir. Məşqçili qiymət 80 manat təşkil edir.
