Tədqiqatlara əsasən, COVID-19 əleyhinə peyvəndin 3-cü dozasını almış yaşı 60-dan yuxarı şəxslərdə yoluxmadan qorunma 11 dəfə, ağırlaşmalardan qorunma isə 19 dəfə artıb. Bunu TƏBİB-in rəsmisi Yaqut Qarayeva oktyabrın 7-də Trend-ə deyib.
Mütəxəssisin sözlərinə görə, ABŞ-da 3-cü doza yaşı 65-dən yuxarı, Böyük Britaniyada 50-dən yuxarı, İsraildə isə 60-dan yuxarı olan şəxslərə tövsiyə edilir.
"Türkiyədə və ABŞ-da buster (gücləndirici) dozanın effektivliyi sübut olunub. Kanada da həssas qruplara buster dozanı tövsiyə edir”, - deyə Yaqut Qarayeva vurğulayıb.
