Bütün dövrlərdə əkinçiliyə ən böyük zərər dolu yağması səbəbindən olur. Bəs 1 hektar sahəni doludan qorumaq fermerə neçəyə başa gəlir? Bu barədə Trend 3 dekabr tarixində Aqrar Sığorta Fonduna istinadən məlumat yayıb.
Dolu əkin sahələri ilə yanaşı, kolları, tingləri, ağacların budaqlarını məhv edir. Həmçinin dolu göbələk xəstəliklərinin yaranmasına səbəb ola bilər. Bu da məhsulun 70-100%-nin məhvinə gətirib çıxara bilər.
Belə ki, 1 hektar sahəni sığortalamaq bitki növündən və becərilən rayondan asılı olaraq təxminən 6-12 manata başa gəlir.
Bu ilin 23 sentyabr tarixində Aqrar Sığorta Fondu tərəfindən fermer Arif Niftullayevə İsmayıllı rayonunda üzüm sahəsinin dolu yağması nəticəsində məhv olunmasına görə 3780 AZN məbləğində ödəniş qəbzi təqdim olunmuşdur.
Fermerlər sığorta haqqını bitkiçilik və heyvandarlıq sığortası kalkulyatoru vasitəsilə hesablaya bilərlər.
