Vətən müharibəsində yaralanaraq aşağı və yuxarı ətraflarını itirmiş 157 qazi 166 yüksək texnologiyalı son nəsil protezlərlə təmin edilib. Bu haqda oktyabrın 28-də Əmək və Əhalinin Sosial Müdafiəsi Nazirliyi məlumat verib.
Onlardan 144-ü aşağı ətraflarını itirmiş qazilərdir. Müharibə iştirakçılarına funksionallığı ilə seçilən “Genium” tipli protezlər təqdim edilib.
Digər 13 nəfər isə yuxarı ətrafları amputasiya olunmuş qazilərdir. Onlar İslandiyanın ÖSSUR şirkətinin istehsal etdiyi son nəsil protezləri ilə təmin olunub. “ÖSSUR i-Limb Ultra” bioelektrik əl darağının 18 fərqli tutma seçimi mövcuddur. Komplektə fərqli rəng və ölçülərdə 6 silikon əlcək də daxildir.
Qazilərin yüksək texnologiyalı protezlərlə təminatına 2020-ci ilin dekabr ayından başlanılıb.
