Ağsuda beş il əvvəl öldürülən qadının qətli ilə bağlı daha iki nəfər saxlanılıb. Bu barədə martın 19-da Daxili İşlər Nazirliyinə istinadən Report məlumat verib.
Belə ki, təqsirləndirilən şəxsin atası Arif Manafov və tanışı Bilal Vəliyev də tutulub. Müəyyən edilib ki, onlar Asif Manafova meyiti basdırmaqda kömək ediblər.
Qeyd edək ki, 2017-ci ildə Ayşən Qəhrəmanova adlı xanım itkin düşmüşdü. Təqsirləndirilən şəxsin müəyyən edilməməsi əsası ilə cinayət işi 2019-cu ildə dayandırılmışdı. Lakin 7 mart 2022-ci il tarixdə iş üzrə icraat təzələndi və əməliyyat axtarış tədbirləri həyata keçirildi. Müəyyən olundu ki, Asif Manafov yaxın münasibətlərdə olduğu Ayşən Qəhrəmanova ilə aralarında yaranan mübahisə zamanı onu bıçaqlayaraq öldürüb və basdırıb.
