Ağsuda psixotrop maddənin təsiri altında avtomobil idarə edən sürücü saxlanılıb. Bu barədə dekabrın 21-də Daxili İşlər Nazirliyi məlumat yayıb.
Polis əməkdaşları “QAZ-24” markalı avtomobilin sürücüsünə “saxla” işarəsi versə də, o, hərəkətini davam etdirib. Görülmüş tədbirlərlə nəqliyyat vasitəsinin hərəkəti dayandırılıb. Saxlanılan şəxsin avtomobili sürücülük hüququ olmadan və “patı”nın təsiri altında olması müəyyən edilib.
Sürücü 15 sutka müddətinə inzibati qaydada həbs edilib.
Dövlət Yol Polisi İdarəsinin məlumatına əsasən, 2021-ci ilin 9 ayı ərzində narkotik vasitələrin təsiri altında avtomobil idarə edən 650 sürücü saxlanılıb.
