2021-2022-ci tədris ili üçün ali təhsil müəssisələrinə ixtisas seçimi avqust ayının 20-dən 30-dək keçiriləcək. Bu barədə 17 avqust tarixində Dövlət İmtahan Mərkəzi məlumat verib.
Verilən məlumata əsasən, «Abituriyent» jurnalının 4-cü nömrəsi artıq nəşr edilib.
Həmçinin II və III qrup abituriyentlər üçün “İxtisas seçimi zamanı nələrə diqqət yetirməli?” adlı kitabçalar nəşr olunub. I və IV qruplar üçün isə kitabçalar bu ixtisas qrupları üzrə imtahanın nəticəsi ilə bağlı apellyasiya başa çatdıqdan sonra çap ediləcək.
Kitabçaları “Abituriyent” satış köşklərindən və kitab mağazalarından almaq və ya www.abiturient.az saytından sifariş etmək mümkündür.
