Xalq artisti Ağadadaş Ağayevin cinayət işi üzrə təxirə salınmış hazırlıq iclası bu gün davam edir.
İnsanoid.com xəbər verir ki, müğənni vəkili Asim Abbasovla birgə Binəqədi Rayon Məhkəməsinə gəlib.
Bu dəfə işə mahiyyəti üzrə baxılmır. İclasda Ağadadaş Ağayevin sərbəst, yaxud həbsdə mühakimə edilməsi ilə bağlı məsələ müzakirə edilib, tərəflərin vəsatətləri dinlənilib.
Hakim Vüsal Tağıyevin araşdıracağı işdə Ağadadaş Ağayevin balta atdığı “Medera Hospital”ın mühafizəçisi Nurəddin Cəlilov və baltanın nəzərdə tutulan hədəfdən yayınaraq dəydiyi təmizlikçi Nəzakət Paşayeva zərərçəkmiş qismində tanınıb.
Zərərçəkmiş Nurəddin Cəlilov məhkəməyə vəsatət təqdim edib. A.Ağayevin vəkili Asim Abbasov vəsatətlərə etiraz edib. Vəkil qeyd edib ki, vəsatətlərin təmini üçün heç bir əsas mövcud deyil. Hakim Vüsal Tağıyev A.Ağayevin həbs edilməsi ilə bağlı vəsatəti əsassız sayaraq rədd edib.
