Ağcabədinin təhsil müəssisəsində qanunsuzluqlar aşkar edilib. Bu barədə 27 iyul tarixində Baş Prokurorluq məlumat yayıb.
Hadisə Üzeyir Hacıbəyli adına Ağcabədi Şəhər Uşaq İncəsənət Məktəbində baş verib.
Həmin məktəbdə direktor vəzifəsində işləmiş Sevda Malışova tərəfindən 2018-2021-ci illər ərzində tədris planlarında nəzərdə tutulandan artıq həcmdə dərs saatlarının tarifləşdirilməsi, əsassız olaraq əmək haqqı ödənilməsi və digər yollarla dövlət büdcəsinə ümumilikdə 131 min manat maddi ziyan vurulmasına əsaslı şübhələr müəyyən edilib.
Faktla bağlı “külli miqdarda mənimsəmə və ya israf etmə” maddəsi ilə cinayət işi başlanıb.
Araşdırmalar davam edir.
