Ağcabədidə müxtəlif cinayət əməllərində şübhəli bilinən şəxslər saxlanılıblar. Bu barədə İnsanoid DİN-ə istinadən bu gün, 21 iyul tarixində xəbər verir.
Rayonun Avşar kəndi ərazisindəki mağazaların birindən oğurluq edilməsi barədə məlumat daxil olub.
Oğurluq əməlini törətməkdə şübhəli bilinən Yuxarı Avşar kənd sakini Aslan Xanlarov saxlanılıb. Onun mağazadan kontur, siqaret və pul oğurladığı aşkar olunub.
Digər bir tədbirlə isə narkotik tərkibli bitkilərin kultivasiyasını təşkil etməkdə şübhəli olan şəxs də saxlanılıb. Onun rayon sakini Vüqar Əliyev olduğu müəyyən edilib. Saxlanılan şəxsin yaşadığı ünvanda aparılan müvafiq axtarış zamanı aqrotexniki üsulla yetişdirilən çətənə bitkiləri aşkarlanaraq götürülüb.
Faktlarla bağlı istintaq davam edir.
