Ağsu rayonunda ölümlə nəticələnən yol nəqliyyat hadisəsi baş verib. Bu barədə İnsanoid Report-a istinadən bu gün, 15 avqust tarixində xəbər verir.
Hadisə ağsu şəhərinin Tofiq İsmayılov küçəsi ilə Heydər Əliyev prospektinin kəsişməsində qeydə alınıb.
“VAZ 2106” markalı avtomobilin sürücüsü, Ağsu rayon sakini Nazim Abışov həmin yolda hərəkətdə olarkən qəfildən idarəetməni itirib. Nəticədə nəqliyyat vasitəsi yoldan çıxaraq hasara çarpılıb.
Qəza zamanı avtomobildə olan Ağsu sakini Rövşən Əmirov hadisə yerində ölüb, sürücü N.Abışov isə ağır bədən xəsarətləri ilə Ağsu rayon Mərkəzi Xəstəxanasına çatdırılıb.
Hazırda faktla bağlı araşdırma aparılır.
