Ağsuda qəsdən yanğın törədildiyi aşkar edilib. Bu barədə 28 iyul tarixində Fövqəladə Hallar Nazirliyinin (FHN) Mətbuat Xidməti məlumat yayıb.
Bu ilin 22 iyul tarixində Ağsu rayonunun Pirhəsənli kəndi ərazisində yanğın baş verib. Yanğın qısa zamanda söndürülüb, yaxınlıqdakı yaşayış evləri və meşə zolağı yanğından mühafizə olunub.
Araşdırma zamanı hadisənin İmdad Abasov tərəfindən törədildiyi müəyyən olunub və vətəndaş törətdiyi əməli etiraf edib.
Faktla bağlı toplanılmış materiallar hüquqi qiymət verilməsi üçün aidiyyəti üzrə göndərilib.
