İşğaldan azad edilmiş ərazilərə qanunsuz keçmək istəyən 6 nəfər saxlanılıb. Bu barədə dekabrın 17-də DİN xəbər verib.
Məlumata görə, 4 nəfər şəxs əraziyə Tərtər rayonundakı postlardan kənar daxil olmaq istəyiblər. Onların rayonun Həsənqaya kənd sakinləri olduqları müəyyən edilib.
Daha 2 nəfər isə Xocavənd və Laçın Rayon polisləri tərəfindən saxlanılıb. Onların Ağcabədi rayon sakinləri olduqları müəyyən edilib.
Dəfələrlə edilmiş xəbərdarlıqlara baxmayaraq minalardan tam təmizlənməmiş ərazilərə daxil olduqlarına görə həmin şəxslər barəsində protokollar tərtib olunaraq rayon məhkəməsinə göndərilib.
