Almaniyanın Maqdeburq şəhərində avtomobili Milad yarmarkasındakı izdihamın üzərinə sürmədə şübhəli bilinərək saxlanılan şəxs ölkə hökuməti tərəfindən anti-islamçı kimi tanınırdı.
İnsanoid.com xarici KİV-ə istinadən xəbər verir ki, şəxsin adı Taleb əl-Əbdülmöhsəndir. O, 2006-cı ildən Almaniyada yaşayır və daimi yaşayış icazəsi var. T.Əbdülmöhsən psixoterapevt təhsili zamanı dəvətli həkim kimi ölkəyə gəlib və daha sonra islamdan imtina etdiyinə görə ölümlə hədələndiyindən sığınacaq üçün müraciət edib.
Bildirilib ki, onun sosial media profillərindən görünür ki, o, son dərəcə anti-islam mövqelidir və "Almaniya üçün Alternativ"in siyasətini dəstəkləyir.
Qeyd edək ki, Almaniyanın Maqdeburq şəhərində avtomobilin Milad yarmarkasındakı izdihamın üzərinə sürülməsi nəticəsində 11 nəfər ölüb, 80-dək insan xəsarət alıb.
Dövlət rəsmiləri hadisəni terror aktı kimi qiymətləndiriblər.
