Anna Sedakovanın “intihara təhrik etmə” maddəsi ilə istintaqa cəlb olunması tələb olunur. Sosial şəbəkədə izləyicilər onu Yanis Timmaya sataşmaqda və boşanma səbəbindən ona psixoloji travma verməkdə ittiham edirlər.
İzləyicilər Sedokovaya xatırladıblar ki, Yanis Timmanı ailədən aparan məhz o idi. Belə ki, müğənniyə görə 2019-cu ildə idmançı hamilə arvadını tərk edib.
Sənətçinin sözlərinə görə, idmançı ilə münasibət "zəhərli" idi: onlar gah qovuşur, gah da ayrılırdılar (ən azı 20 dəfə). Nəhayət, boşandıqlarını elan etdilər və sonra birlikdə göründülər.
Dekabrın 9-da onlar birdəfəlik boşandılar.
Bəzi izləyicilər digərlərindən Annadan əl çəkməyi xahiş edirlər. Onların fikrincə Timma müğənninin ad günündə intihar edərək doğru addım atmayıb. Daha sonra sənətçi artıq şərhləri bağlayıb.
09:39
Anna Sedakovanın keçmiş həyat yoldaşı intihar edib.
Ukraynalı müğənni Anna Sedokovanın keçmiş ərinin meyiti Rusiyanın paytaxtında tapılıb.
İnsanoid.com xəbər verir ki, Yanis Timmanın 33 yaşı var idi.
Onun intihar etdiyi deyilir. Yanis Timmanın meyiti hostellərin birində aşkarlanıb. Onun yanında tapılan telefonunun ekranında keçmiş arvadı Annanın nömrəsi və "Annaya zəng edin", - mesajı var idi.
Qeyd edək ki, bir gün əvvəl basketbolçu sosial şəbəkələrdə keçmiş həyat yoldaşını 42-ci doğum günü münasibətilə təbrik edib. 2024-cü ilin oktyabrında 42 yaşlı Anna Sedokova boşanma ərizəsi verdikdən sonra Timma "Instagram"da canlı yayıma çıxaraq balkonda aşağı yönəlmiş kameradan video görüntü paylaşıb. Bundan bir gün əvvəl o, dərman qutuları ilə video paylaşıb. Həmçinin Timma boşanmadan əvvəl və sonra tez-tez sosial şəbəkə hesabının hekayələr bölməsində müxtəlif depressiv videolar paylaşırdı. Yaxınlarının sözlərinə görə, o, 42 yaşlı müğənni ilə ayrılığı çox ağır keçirirdi.
