Aqrar sahədə işaxtaran şəxslər üçün aqrokadr.az karyera portalı yaradılıb. Bu barədə məlumat Kənd Təsərrüfatı Nazirliyinin rəsmi saytında verilib.
Saytın yaradılmasında əsas məqsəd kənd təsərrüfatı sahəsində çalışan və karyerasını bu sferada qurmaq istəyən şəxsləri, həmçinin təşkilat və şirkətləri vahid platformada toplamaqdır.
İşaxtaranlar sayta daxil olaraq qeydiyyatdan keçməli və öz təhsil və iş təcrübələri haqda məlumatları portala daxil etməlidirlər.
Hazırda saytda Kənd Təsərrüfatı Nazirliyi, Aqrar Xidmətlər Agentliyi, Aqrar Kredit və İnkişaf Agentliyi və Agro Food Investments LLC kimi təşkilatlar öz vakansiyalarını yerləşdiriblər.
