Qida Təhlükəsizliyi Agentliyi dekabrın 13-də qida zəhərlənmələrindən qorunmaq üçün diqqət yetirilməli məqamları açıqlayıb:
- İstifadə müddəti bitmiş, qoxusu və rəngi dəyişmiş qidaları qəbul etməmək;
- Pasterizə olunmamış süd və süd məhsullarından istifadə etməmək;
- Qutusu zədələnmiş və ya qapağı boşalmış konservləri istehlak etməmək;
- Meyvə-tərəvəzi axar ilıq su ilə yaxşı yuduqdan sonra istehlak etmək;
- Ət, toyuq, balıq məhsullarını və südü uyğun müddətdə və temperaturda bişirmək;
- Yeməkləri günlük olaraq hazırlayıb, artıq qalanını isə bir dəfədən çox isitməmək;
- Yemək hazırlayarkən şəxsi gigiyena qaydalarına riayət etmək.
Agentliyin verdiyi məlumata görə, 2021-ci ilin 9 ayı ərzində “1003 – Çağrı Mərkəzi”nə 31,639 müraciət daxil olub. Ümumilikdə 106 nəfər qidadan zəhərlənib.
