Astara Rayon Mərkəzi Xəstəxanasında qadının ölümü ilə bağlı “səhlənkarlıq ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda” maddəsinə əsasən cinayət işi başlanılıb. Bu barədə rayon prokurorluğu dekabrın 15-də məlumat verib.
Məlumata əsasən, oktyabrın 10-da Ərçivan qəsəbə sakini dərman zəhərlənməsi diaqnozu ilə Astara Rayon Mərkəzi Xəstəxanasına yerləşdirilib. Daha sonra isə onun xəstəxanada ölməsi barədə məlumat verilib.
Aparılan araşdırmalar zamanı müəyyən edilib ki, hadisə göstərilən tibbi yardımların tam həcmdə və vaxtında icra olunmaması və vəziyyətin düzgün qiymətləndirilməməsi nəticəsində baş verib.
Faktla bağlı araşdırma davam edir.
