Astara rayonunda qətl törətməkdə təqsirləndirilən Rüstəm Heydərov 19 il müddətinə azadlıqdan məhrum edilib. Bu barədə Report martın 11-də məlumat yayıb.
Hadisə 2020-ci il sentyabrın 30-u saat 23 radələrində Astara rayonunun Çayoba kəndində qeydə alınıb. Rayon sakini R. Heydərov quldurluq niyyəti ilə həmkəndlisi və uzaq qohumu Rəhimə Aslanovanın yaşadığı evə qanunsuz daxil olub. Daha sonra o, silah qismində istifadə etdiyi əşya ilə qadını xüsusi amansızlıqla qətlə yetirib.
İttiham aktına əsasən, R. Heydərovun bankların birinə kredit borcu olub. O, borclarını ödəyə bilməməsi səbəbi ilə düşdüyü çətin vəziyyətdən çıxmaq üçün əvvəllər R. Aslanovadan pul istəyib.
