Astarada sel suları bir sıra fəsadlara səbəb olub. Bu barədə 19 sentyabr tarixində APA xəbər verib.
Şağlazüzə kəndində yolda torpaq uçqunu baş verib, Siyokəş kəndinə gedən körpü dağılıb. Pensər- Şağlazüzə-Şamətük kəndlərini birləşdirən yol çöküb. Nəticədə nəqliyyatın hərəkəti dayanıb, piyadalar kiçik yolla hərəkət edə bilirlər.
Şağlazüzə - Siyokəş yolunu birləşdirən körpü də dağılıb. Körpü və yollar dağıldığına görə şagirdlərin məktəbə gedişi çətinləşib.
Aidiyyəti qurumlar tərəfindən müvafiq tədbirlərin görülməsinə başlanıb. Vaqo körpüsü bərpa olunandan sonra Pensər - Şağlazüzə - Şamətük yoluna ağır texnikalar cəlb olunacaq.
[gallery link="file" size="full" ids="130685,130683,130682"]
