Ana vəfat etdiyinə və ya ana ilə nikaha xitam verildiyinə, yaxud ana valideynlik hüququndan məhrum edildiyinə görə 5 və daha çox uşağı və ya sağlamlıq imkanları məhdud uşağını növbəti nikah bağlamadan, təkbaşına səkkiz yaşınadək böyüdən atalar tez pensiyaya çıxmaq hüququ əldə edəcəklər.
Bu, “Əmək pensiyaları haqqında” Qanuna təklif edilən son dəyişikliklərdə öz əksini tapıb. Məsələ ilə bağlı aprelin 18-də millət vəkili, iqtisadçı-ekspert Vüqar Bayramov Facebook səhifəsində paylaşım edib.
Bundan savayı, beş və daha çox uşaq dünyaya gətirən analarla yanaşı, uşaqları övladlığa və (və ya) qəyyumluğa götürüb onları səkkiz yaşınadək tərbiyə etmiş və böyütmüş qadınlar da 5 il daha tez pensiyaya çıxa biləcəklər.
