Dövlət İmtahan Mərkəzi (DİM) tərəfindən avqustun 11-də keçirilən imtahanların nəticələri elan olunub. Bu barədə DİM avqustun 12-də məlumat yayıb.
Ümumi orta təhsil səviyyəsi üzrə aşağıdakı imtahanların nəticələri açıqlanıb:
1. Əvvəlki illərin məzunları üçün orta ixtisas təhsili müəssisələrinə qəbul imtahanı;
2. Müsabiqədə buraxılış imtahanında verdiyi xarici dildən fərqli dil üzrə iştirak etmək istəyənlər üçün əlavə xarici dil imtahanı;
3. Qəbul imtahanını buraxılış imtahanında verdiyi dildən fərqli dil üzrə vermək istəyənlər üçün əlavə imtahan;
Yuxarıdakı 3 kateqoriyaya aid olan abituriyentlər nəticələri verilən linkdən öyrənə bilərlər.
4. İyun ayında keçirilən buraxılış imtahanlarında iştirak edə bilməyən şagirdlər üçün buraxılış imtahanı;
5. Eksternat qaydasında imtahan verənlər üçün buraxılış imtahanı.
4-cü və 5-ci kateqoriyaya aid olan şagirdlər isə nəticələrini bu linkdən öyrənə bilərlər.
Abituriyentlər nəticələr haqqında məlumatı “iş nömrəsi”ni 7727 nömrəsinə göndərməklə də əldə edə bilərlər.
İmtahanda iştirakı nəzərdə tutulan 11553 nəfərdən 2769 nəfər imtahana gəlməyib.
İmtahan nəticələri ilə bağlı müraciətlərə baxılması üçün apellyasiya prosesi 16 avqust tarixindən etibarən "Zoom" proqramı və ya telefon əlaqəsi vasitəsilə təşkil ediləcək.
