16 avqust 2021-ci il tarixindən etibarən sosial xidmətlər yalnız COVİD-19 pasportu və ya “immunitet sertifikatı” olan vətəndaşlara göstəriləcək. Bu barədə Əmək və Əhalinin Sosial Müdafiəsi Nazirliyi 7 avqust tarixində məlumat yayıb.
Nazirliyin və onun nəzdində olan mərkəzlərdə, habelə DOST mərkəzlərində vətəndaşların qəbulu yalnız COVİD-19 pasportu və ya müvafiq sertifikat olduğu halda mümkün olacaq.
Müraciətlərin elektron formada nəzərdən keçirilməsi də COVİD pasportunun və ya "immunitet sertifikatı"nın olması barədə məlumat daxil edildikdə həyata keçiriləcək.
Sentyabr ayının 1-dən etibarən isə 18 yaşdan yuxarı şəxslər yalnız COVİD-19 pasportu olduğu halda qapalı məkanlarda (iaşə, otel, böyük ticarət mərkəzləri) göstərilən xidmətlərdən istifadə edə biləcəklər.
