Avropada meymun çiçəyi xəstəliyinə ilk yoluxma halı qeydə alınıb. Bu barədə İnsanoid "Reuters"-a istinadən bu gün, 16 avqust tarixində məlumat verir.
İsveçdə çiçək virusunun yeni ştamına yoluxma faktı təsdiqlənib.
Bu hadisə Afrikada artan meymun çiçəyi epidemiyası ilə əlaqələndirilir. Həmin şəxsin Afrikada olarkən virusa yoluxduğu və hazırda müalicə aldığı məlum olub.
Qeyd edək ki, Konqo Demokratik Respublikasında meymun çiçəyi virusu qonşu ölkələrə sürətlə yayılır. Ümumdünya Səhiyyə Təşkilatı (ÜST) bu vəziyyətin ciddiyyətini nəzərə alaraq, son iki il ərzində ikinci dəfə qlobal ictimai səhiyyə sahəsində fövqəladə vəziyyət elan etməyə məcbur qalıb.
Bundan əlavə, Pakistanda və Avstraliyada da meymunçiçəyi virusunun yeni versiyasına yoluxmalar qeydə alınıb.
