Dünən, martın 10-da Bolqarıstanın Plovdiv şəhərində 23 yaşadək güləşçilərin Avropa çempionatında qadın güləşçilərimiz mübarizə aparıb.
Elnurə Məmmədova (55 kq) finalda rumıniyalı idmançı ilə bacara bilməyib və gümüş medalla kifayətlənib. Nigar Mirzəzadə (68 kq) isə bürünc medal uğrunda görüşdə ispan rəqibini məğlub edərək medala sahib çıxıb. Şəhanə Nəzərova (50 kq) isə bürünc medal uğrunda almaniyalı rəqibinə məğlub olub və 5-ci yerlə kifayətlənib.
Bu gün daha 2 idmançımız medal uğrunda güləşəcək. Gültəkin Şirinova (53 kq) bürünc medal uğrunda rumıniyalı rəqibi ilə üz-üzə gələcək. Jalə Əliyeva (62 kq) isə finalda serbiyalı idmançı ilə qarşılaşacaq.
Avropa çempionatına martın 13-də yekun vurulacaq.
