Tanınmış kino rejissor Ayaz Salayev Kinorejissorlar Gildiyasının sədri seçilib.
Azpost bildirir ki, bu barədə Kinorejissorlar Gildiyasının mətbuat xidməti məlumat verib.
Bu gün Kinorejissorlar Gildiyasının hesabat seçki konfransı keçirilib.
Konfransda İdarə Heyətinin və Təftiş Komissiyasının hesabatı dinlənilib və Gildiyanın rəhbər orqanları seçilib.
Hesabat dövrü olan 2019-2024-cü illər üzrə Gildiyanın İdarə Heyətinin Sədri Hüseyn Mehdiyevin hesabat məruzəsi və Təftiş Komissiyasının Sədri Əbdül Mahmudovun hesabatı dinlənilərək, Gildiyanın İdarə Heyətinin hesabat dövrü üzrə fəaliyyəti qənəatbəxş hesab edilib.
Kinorejissorlar Gildiyasının İdarə Heyətinin və Təftiş Komissiyasının tərkibi müəyyən edilərək İdarə Heyətinin Sədri Ayaz Salayev, Təftiş Komissiyasının Sədri isə Əbdül Mahmudov seçilib.
25 il Kinorejissorlar Gildiyasına sədrlik edən Hüseyn Mehdiyev Kinorejissorlar Gildiyasının Fəxri Sədri seçilib.
