Dünən, aprelin 1-də güləş üzrə Avropa çempionatında 6 idmançımız iştirak edib.
Yunan-Roma güləşçilərimizdən Eldəniz Əzizli (55 kq) və Taleh Məmmədov (63 kq) finala vəsiqə qazanıb. Hər iki idmançı yarımfinalda erməni rəqiblərinə qalib gəlib. Onlar bu gün həlledici qarşılaşmalara çıxacaq. Sənan Süleymanov (77 kq), İslam Abbasov (87 kq) və Beka Kandelaki (130 kq) isə bürünc mükafat uğrunda görüşlərə çıxacaq.
Dünən, həmçinin qadın güləşçisi Elis Manolova (65 kq) finalda rəqibinə məğlub olaraq gümüş medala layiq görülüb. Beləliklə, turnirdə qadın güləşçilərinin çıxışlarına yekun vurulub.
Bu gün daha 5 yunan-Roma güləşçimiz mübarizəyə başlayacaq. Bunlar Murad Məmmədov (60 kq), Həsrət Cəfərov (67 kq), Ülvi Qənizadə (72 kq), Rafiq Hüseynov (82 kq) və Murad Lokyayevdir (97 kq).
Qeyd edək ki, yarışlara aprelin 3-də yekun vurulacaq.
