Dövlət Avtomobil Nəqliyyatı Xidməti “Daşıyıcı bələdçisi” layihəsinin icrasına başlayır. Bu barədə 5 aprel tarixində Rəqəmsal İnkişaf və Nəqliyyat Nazirliyi məlumat verib.
Sözügedən layihənin məqsədi avtomobil daşımaları sahəsində göstərilən xidmətlərin keyfiyyətinin artırılması, avtomobil daşımaları sahəsinə investisiya cəlb edilməsi və daşıyıcıların sayının artırılmasıdır.
Məlumata əsasən, layihə çərçivəsində avtomobil daşımaları sahəsində sahibkarıq fəaliyyəti ilə məşğul olan və yaxud məşğul olmaq istəyən şəxslər mövcud qanunvericiliyin tələbləri, avtomobil daşımalarının xüsusiyyətləri haqqında məlumat veriləcək. Bundan əlavə, ehtiyac olarsa, sahibkarlara qısamüddətli təlimlər də keçiriləcək.
Xidmətdən həm onlayn, həm də adi qaydada ödənişsiz istifadə etmək olar.
“Daşıyıcı bələdçisi” xidmətindən istifadə etmək istəyən şəxslər [email protected] e-poçt ünvanı, rəsmi “Facebook” səhifəsi, (+99412) 514 27 51, (+99450) 404 53 62 telefon nömrələri vasitəsilə Dövlət Avtomobil Nəqliyyatı Xidmətinə müraciət edə bilərlər.
