Bugün, 12 noyabr tarixində Qobustan rayonunda inşa edilən müasir heyvandarlıq kompleksi istifadəyə verilib. Bu haqda Report xəbər verib.
Sözügedən kompleksin sahəsi 8 hektardır. Ərazidə sərgi salonu, satış mərkəzi, hərrac mərkəzi, ferma, sağım məntəqəsi, heyvanlara tibbi yardım məntəqəsi yerləşir. Kompleksin satış və hərrac mərkəzlərində ilk dəfə olaraq yerli damazlıq təsərrüfatlarda yetişdirilən cins heyvanlarla yanaşı, Avropadan gətirilən heyvanlar da fermerlərə təklif olunur.
Satış mərkəzi həftənin 6 günü, hərrac mərkəzi isə həftədə bir dəfə, saat 09:00-dan 18:00-a qədər işləyəcək.
“Burada münasib qiymətə satış həyata keçirilir. Hərraca çıxarılan heyvanların satışı zamanı dövlətin tətbiq etdiyi 60%-lik güzəşt məbləği qiymətdən çıxılır. Yerdə qalan 40%-i isə fermer ödəyir”,- deyə Aqroservis ASC-nin nümayəndəsi Aytəkin Məmmədova məlumat verib.
[URIS id=13040]
