Cari ilin ilk 9 ayında investisiya layihələrinin maliyyələşdirilməsinə 60,9 milyon manat güzəştli kredit verilib. Bu barədə 13 oktyabr tarixində Sahibkarlığın İnkişafı Fondunun rəsmi Twitter səhifəsində məlumat verilib.
Kreditlər 1152 layihə üzrə ayrılıb və nəticədə həmin layihələrdə 1796 yeni iş yerinin yaradılması planlaşdırılır. Ayrılan vəsaitin 99,7%-i mikro, kiçik və orta sahibkarlara verilib.
İqtisadiyyatın sahələri üzrə verilmiş kreditlərin 94,4%-i kənd təsərrüfatı məhsulları istehsalının payına düşüb.
Sahibkarlığın İnkişafı Fondu 2018-ci ildə yaradılıb. 2020-ci ildə fond tərəfindən 908 layihəyə 130 milyon manata yaxın güzəştli kredit ayrılıb, 2 700-dən çox yeni iş yeri açılıb.
? 2021-ci ilin yanvar-sentyabr ayları ərzində 1152 #investisiya layihəsinin maliyyələşdirilməsinə 60.9 milyon manat güzəştli #kredit verilib. Verilmiş kreditlər hesabına investisiya layihələri üzrə 1796 yeni iş yerinin yaradılması nəzərdə tutulur.#SİF #sahibkar pic.twitter.com/G78jAg5Y0R
— Sahibkarlığın İnkişafı Fondu (@sahibkarliq) October 13, 2021
