2021-ci ilin yanvar-oktyabr aylarında işçilərin orta aylıq nominal əməkhaqqı ötən ilin müvafiq dövrü ilə müqayisədə 2,6% artaraq 722,9 manat təşkil edib. Bu barədə məlumat Dövlət Statistika Komitəsinin 10 dekabr tarixindəki hesabatında əks olunub.
İqtisadi fəaliyyət növləri üzrə ən yüksək orta aylıq əməkhaqqı mədənçıxarma sənayesinə, maliyyə və sığorta fəaliyyəti sahələrinə aiddir.
Ölkə iqtisadiyyatında muzdla çalışan işçilərin sayı 1,7 milyon nəfər olub. Onlardan 53%-i dövlət sektorunda, 47%-i qeyri-dövlət sektorunda fəaliyyət göstərib.
2020-ci ilin ilk on ayı ərzində işçilərin orta aylıq nominal əməkhaqqı 704,5 manat təşkil edib.
