2020-2021-ci tədris ilində bakalavriat səviyyəsində təhsil alan tələbələrin 87 765 nəfəri qızlar, 90 433 nəfəri isə oğlanlar olub. Bu haqda dekabrın 24-də Ailə, Qadın və Uşaq Problemləri üzrə Dövlət Komitəsinin “Gender (kişi və qadınların) bərabərliyinin təminatları haqqında” məlumatında bildirilib.
Həmin tədris ilində universitetlərdə magistratura səviyyəsində təhsil alan 16 150 nəfər tələbənin 8 469 nəfərini qızlar, 7 681 nəfərini isə oğlanlar təşkil edib.
Eyni zamanda, peşə təhsil pilləsinə elektron qəbulun II mərhələsi üzrə müraciət edənlər arasında qızların payı 30%-i keçib.
Daha öncə, 2018-ci ildə peşə təhsilinə cəlb olunan tələbələrin 26,7%-i, 2019-cu ildə 29,8%-i, 2020-ci ildə isə 32,8%-i qızlar təşkil edib.
