2022-ci ilin yanvar ayında ötən ilin eyni ayı ilə müqayisədə tütün ixracı 14,4 dəfə artıb. Bu barədə 14 mart tarixində dərc edilmiş Dövlət Statistika Komitəsinin hesabatında deyilir.
Hesabata əsasən, ixracda təzə meyvənin ixracı 17,7%, təzə tərəvəz ixracı 53,4%, kartofun ixracı 4,6 dəfə, polietilenin ixracı 50,7% artıb. İxracda azalma isə meyvə və tərəvəz şirələrində (40,6%), meyvə və tərəvəz konservlərində (37,9%), çayda (65,3%) və bitki yağlarında (83,3%) qeydə alınıb.
İdxalda isə buğdanın idxalı 4,2 dəfə, bitki yağlarının idxalı 1,8 dəfə, unlu qənnadı məmulatlarının idxalı 30,3%, çayın idxalı 18,7%, quş ətinin idxalı 1,8 dəfə artıb. Azalma isə təzə meyvə idxalında (13,6%), təzə tərəvəzin idxalında (55,1%), şəkərin idxalında (70,1%), siqaretlərin idxalında (77,6%), mineral gübrələrin idxalında (85,1%) qeydə alınıb.
