"Azərişıq" ASC-nin əməkdaşları qeyri-sabit hava şəraitində Yardımlı və Lerik rayonlarında elektrik xətlərində yaranmış qəzaların nəticələrini aradan qaldırıblar. Bu barədə Cəmiyyətin Facebook səhifəsində məlumat verilib.
Qarlı və şaxtalı hava nəticəsində Yardımlının Dağ üzü və Lerikin Bibiyani kəndlərində elektrik dirəkləri yıxılıb, naqillər isə qırılıb.
Videogörüntülərdən görünür ki, işıq idarəsinin əməkdaşları bərpa işlərini bir metrdən çox hündürlüyü olan qarın içində hərəkət edərək aparıblar. Çətinliklərə baxmayaraq, qarşıya qoyulan tapşırıqlar uğurla icra edilib.
