22-ci ilin yanvar-fevral aylarında Azexport.az portalına 83,9 milyon dollarlıq ixrac sifarişləri daxil olub. Bu barədə məlumat 31 mart tarixində İqtisadi İslahatların Təhlili və Kommunikasiya Mərkəzinin İxrac icmalında əks olunub.
Məlumatda bildirilib ki, tək fevral ayında portala daxil olan ixrac sifarişlərinin dəyəri 38,7 milyon dollar təşkil edib. Bu ilin ötən ayında Azexport.az portalına ən çox ixrac sifarişi tütün, pambıq lifi, pambıq yağı, pambıq çiyidi, nar şirəsi, alma, şərab kimi mallara daxil olub.
Qeyd edək ki, 2017-ci ilin yanvar ayından 2022-ci ilin 28 fevral tarixinə kimi (62 ay ərzində) Azexport.az portalına dünyanın 145 ölkəsindən daxil olan ixrac sifarişlərinin dəyəri 2,8 milyard ABŞ dolları təşkil edib.
