"Oktyabrın 3-ü axşam saatlarından başlayaraq ayın 7-nə qədər ölkə ərazisində fasilələrlə yağış yağacağı, bəzən intensivləşəcəyi, ayrı-ayrı yerlərdə küləyin güclənəcəyi ilə əlaqədar olaraq sürücülər sürət həddini minimuma endirməli, zərurət olmadan ötmə və digər manevr etməkdən çəkinməli və küləyi nəzərə alıb nəqliyyat vasitələrini təhlükəsiz yerlərdə park etməlidirlər. Avtomobilin şüşə silgəclərinin və şüşəyuyanların, habelə xarici işıq cihazlarının işlək vəziyyətdə olması yoxlanılmalıdır”. Bu haqda oktyabrın 2-də Baş Dövlət Yol Polis sürücülərə müraciət edib.
