2021-ci ilin son 9 ayı ərzində respublika ərazisində ölüm və xəsarətlə nəticələnən 1171 yol-nəqliyyat hadisəsi qeydə alınıb. Nəticədə 504 nəfər həlak olub, 1043 nəfər yaralanıb. Bu haqda oktyabrın 18-də Baş Dövlət Yol Polisi İdarəsi məlumat verib.
Təhlillər göstərir ki, yol-nəqliyyat hadisələrinin 96,5%-i sürücülər tərəfindən qaydaların pozulması səbəbindən baş verib. 475 qəza nəqliyyatın yüksək sürətlə idarə edilməsi, 360 qarşıdan gələn nəqliyyatın hərəkət zolağına çıxması, 116 yolayrıclarını keçməsi, 14 nəqliyyatın sərxoş vəziyyətdə idarə edilməsi və 9 sükan arxasında yatma halları ilə bağlı olmub.
Yol qəzalarında həlak olanlar arasında 230-u piyada, 133-ü sürücü, 121-i sərnişin, 17-i velosipedçi, 3-ü isə digər hərəkət iştirakçıları olub.
